Beboki i piecuchy, czyli...straszki domowe

Halloween to świynto z Ameryki, ale Ślązoki
tyż downij duchami ludzi straszyli.

Downij na Śląsku żyło miyndzy ludziami fest dużo roztomajtych duchów i stworów. No ja, te nojbardzij znane to były diobły, utopki i czarownice. Były tyż jednak mynij szkodliwe stworki - to były straszki domowe. Żyły one z ludziami we chałpach, ale prawie wcale niy były widoczne, no bo kryły sie kanś po szopach, po komorach czy pywnicach. Straszki tyż ludziom niy robiyły wiynkszyj szkody, choć czasym poradziyły fest nawyrobiać, ale i pomagać. Nojbardzij znane śląskie straszki domowe to beboki, podciepy i piecuchy.

M.Szołtysek, Bojki śląskie

...downij, jak był październik ludzie obrywali we zogrodach banie, czyli dynie. Z niykerych robiyli kompot, inne brało sie na pestki abo snosiyło do pywnice. We wydrążonyj szupie z banie robiyło sie wtedy dziury na łoczy i gymba, a potem wkłodało sie do nij świyczka. Takigo ducha stawiało sie na supku od płota i straszyło ludzi... 

M.Szołtysek, Elementarz śląski